Garg!

Að blogga tvisvar á sama klukkutíma er kannske of mikið?

 

Ég bara get ekki orða bundist. "Þetta er bara geðveikt niðurlægjandi"? Um leið og við hættum að skammast okkar fyrir nekt, og sættum okkur við það að kynlíf er ekki eitthvað til að skammast sín fyrir, hverfur vandamálið. Eru ungmenni dagsins í dag ekki nægilega brengluð þó ekki sé verið að koma því inn hjá þeim að kynlíf sé eitthvað hryllilegt? Af hverju ekki að beina athyglinni að einhverju öðru, eins og ofuráherslu á útlit? Sýnið eðlilega vaxið kvenfólk nakið í auglýsingum. Sýnið nakinn karlmann í sjónvarpinu! Í guðanna bænum, hættið þessu andskotans klámröfli! Nekt er ekki slæm, nekt er góð. Hvernig væri að skipuleggja nektargöngu niður Laugaveginn einhvern góðviðrisdaginn í sumar?

"Maður getur ekki orðið labbað um án þess að sjá klám þannig séð" "Þannig séð" er allt klám.

"For filth - I'm glad to say - is in the mind of the beholder"

Og munið það svo, krakkar mínir: If God wanted us to be nude, we would be born that way.

 

 

"Klám er úti um allt á Netinu"

Athugasemdir

[Steinar (IP-tala skráð) 22.3.2007 kl. 18:12]

Ert þú ekki að misskilja eitthvað? Ég held að allir geti verið sammála því sem þú skrifar um nektina og fegurð mannslíkamans. Klám aftur á móti er útúrsnúningur á fegurð. Þar er oft (sem betur fer ekki alltaf) verið að gera fallegt kynlíf afkáranlegt og ljótt. Ofbeldi eins og nauðganir, barna- og dýraklám er alltof aðgegnilegt. Það eru til ýmsar aðferðir til að sía þetta út en ég held að besta og árangursríkasta aðferðin liggi í uppeldinu. Að börnum og unglingum sé kenndur munurinn á réttu og röngu. En ég skal glaður ganga við hliðina á þér í nektargöngu.

[Jón Steinar Ragnarsson, 23.3.2007 kl. 04:09]

Nektarganga myndi sennilega breyta litlu fyrir mig nema kannski heilsufarinu tímabundið.

Ég er sammála þér að bæling kynhvatar og tabúvæðing þessi leiðir bara illt af sér. Ég held að slíkt vegi þyngra í geðheilsu og hegðunarfrávikum fólks en flest annað.