Ég ætla að fá fimm, takk.

Í auglýsingu frá Iceland Express - því ágæta fyrirtæki - á baksíðu Fréttablaðsins kemur fram að sala á fargjöldum fyrir næsta vetur sé að hefjast. Ég er að hugsa um að fá mér eitt fargjald. Þau eru frá 8.000 krónum, en mig langar dálítið í eitt tuttuguþúsund króna fargjald. Það er nefnilega meira. Annars held ég að fólkið sem greiddi fargjöldin upphaflega verði ekkert voðalega hresst með að fyrirtækið selji þau öðrum. Kannske hélt fólk að þessi fargjöld færu í að greiða kostnaðinn við ferðina, borga flugfreyjum og svona.

Er ekki málið að reyna að finna tilboð? Tveir fyrir einn eða eitthvað svoleiðis? Það er auðvitað ekkert vit fyrir þá að selja fargjöldin á kostnaðarverði, hvað þá dýrar. Ekki fer ég að borga fimmtán þúsund fyrir áttaþúsund króna fargjald. Það segir sig sjálft.

 

Athugasemdir

[Þarfagreinir, 15.4.2007 kl. 18:29]

Haha

[Ísdrottningin, 16.4.2007 kl. 16:18]

Góð.