Andskotans hálfvitaskapur

Já, breytum landinu í trúarlegt fasistaríki. Það hefur alltaf virkað svo vel.

 

Þetta er eiginlega of heimskulegt til að það taki því að tjá sig um það...en ég geri það samt.

Heldur maðurinn að það leysi vandann að láta fulla fólkið hlusta á einhverja ésúþvælu? Míga kristnir aldrei eða henda dósum? Það virðast vera heitustu glæpirnir í dag. Og hvernig er það, verða þessir trúboðar á launum hjá ríkinu, eða ætlar Geir Jón að smala saman kristlingum í sjálfboðavinnu? Kannske þetta verði valkostur fyrir þá sem gerast svo ósvífnir að kasta af sér vatni; tíuþúsundkall á borðið eða lesa úr Biflíunni fyrir framan Kaffibarinn næstu þrjár helgar - og ekki muldra.

 

Þetta yrði sjálfsagt ágætis skemmtun; Krossarar á einu horni - væntanlega nálægt Qbar - og KFUM við Dubliner. Svo verða slagsmál um yfirráðasvæði; Krossurunum finnst KFUM ekki nógu róttækt, en KFUM vilja bara halda áfram að selja vöfflur og kakó. Þá þarf að kalla til lögguna.

 

Eða er kannske hægt að leysa vandann með því að taka peninginn frá trúfélögunum og nota hann í eitthvað þarfara...eins og salerni og ruslatunnur? 

Geir Jón telur trúboð leysa miðborgarvanda

Athugasemdir

[Þorgeir Arason, 12.9.2007 kl. 08:52]

Ekki finnst mér ástæða til gífuryrða, þó að Geir Jón hafi leyft sér að segja sína skoðun. Deila má um, hvort hann eigi að mæta í fullum skrúða lögreglumanns í viðtal um trúmál. En fullan rétt hefur hann á, að ræða trú sína á Drottin á opinberum vettvangi, og varpa fram hugmyndum, sem hann telur bæta mannlífið í miðbænum. Margir ógæfumenn hafa snúist til betri vegar eftir að hafa kynnst Jesú Kristi. Kveðja, Þorgeir Arason.

[krossgata, 12.9.2007 kl. 09:54]

Kannski les ég einhvern tíma þessa frétt, nenni því ómögulega núna.  En... taki peninginn frá trúfélögunum?  Meinarðu sóknargjöldin eða hvað það nú er sem hver kirkja fær með hverjum skráðum lim - gjöld óskráðra lima fara til Háskólans? 

Ég held að borgin hafi lítið yfir þeim peningum að segja, þeir koma frá okkur - til ríkisins - til kirkju/trúfélaga/háskóla.  En borgin hefði gott af því að settar yrðu upp ruslafötur þéttar og víðar.  Ég hef trú á að fólk gangi betur um ef það hefur tækifæri til þess.  En þú hendir ekki rusli í þar til gert ílát ef næsta ílát er upp í Mosfellsbæ og þú í miðborginni.

[Hildigunnur Rúnarsdóttir, 12.9.2007 kl. 09:55]

ég sé bara fyrir mér fyrirsagnir: Áleitinn trúboði þurfti að leita á slysadeild...

[DoctorE (IP-tala skráð) 12.9.2007 kl. 11:39]

Það er ótrúlegt að embættismaður láti svona út úr sér... ég myndi raka gaurinn ef ég réði... ekki spurning í mínum huga með að maðurinn er ekki starfi sínu vaxinn