37 hús

...standa auð í miðborginni. Hversu mörg ætli standi auð utan miðborgar, hvað þá á landsbyggðinni?

 

Þess vegna segi ég enn og aftur: Hústökulög núna!

Lægsta viðurkennda tala heimilislausra í borginni er um 50 að mig minnir. Þessir 50 kæmust þægilega fyrir í þessum 37 húsum. Ef fólki finnst ómögulegt að hafa "aumingja" eftirlitslausa þarna er hægt að græja heimsóknir frá féló. Það eina sem þyrfti að gera er að uppfylla þau skilyrði sem ég taldi til í bréfi mínu til félagsmálaráðherra:

 

1. Hafi hús staðið autt og ónotað í eitt ár (12 mánuði) eða lengur má aðili annar en eigandi setjast þar að án sérstaks leyfis.

 

2. Hústökuaðili skal skipta um lása, gera við brotnar rúður með viðeigandi hætti, greiða fyrir vatn og rafmagn sem hann kann að nota (og hugsanlega skrá lögheimili sitt í húsnæðinu). Séu þessi

skilyrði uppfyllt má eigandi ekki vísa hústakanda úr húsnæðinu án dómsúrskurðar þess efnis.

 

3. Þegar hústakandi hefur uppfyllt þau skilyrði sem nefnd eru í 2. lið skal hann tilkynna eiganda um hústökuna, sem og lögreglu, og skulu þeir aðilar (ásamt félagsráðgjafa ef svo ber við) staðfesta að húsnæði og hústakandi uppfylli skilyrðin.

 

4. Til að eigandi fái dómsúrskurð skal hann sýna fram á með fullnægjandi hætti að hann eða leiguaðilar muni nýta húsnæðið innan mánaðar, og skulu tvær vikur þess mánaðar vera "uppsagnarfrestur" hústakanda, en hinar tvær seinni nýttar til að gera úrbætur á húsnæðinu ef þess þarf.

 

5. Hústakandi má ekki vinna aðgang að húsinu með ólöglegum hætti, svo sem innbroti, en skal njóta vafans hafi skemmdir áður verið unnar á húsnæðinu án þess að sannað verði hver hafi staðið þar að verki. 

 

Athugasemdir

[Vésteinn Valgarðsson, 20.5.2008 kl. 12:54]

Heyr heyr, það vantar hústökulög og það strax. Það nær engri átt að það sé til fólk sem á hvergi heima á meðan það eru til hús sem eigendurnir hafa ekki þörf fyrir.