Þið eruð nú meiri djöfulsins fíflin!

Nú blómstra vesturbæjarhúsmæður bloggheima - nóg til að hneykslast á! Á innsoginu hrópa þær um vanvirðingu við Alþingishúsið og "skrílslæti", enda í þeirra hugum fáir glæpir alvarlegri en að sýna lögreglunni ekki tilhlýðilega undirgefni. Haukur er í þeirra augum bara athyglissjúkur, eða sem verra er- atvinnumótmælandi. Allt tal um lögmæti handtökunnar leiða þessi hænsn hjá sér sem kommahjal eða anarkískan undirróður. Löggan hefur nefnilega alltaf rétt fyrir sér. Þessar heiðvirðu húsmæðratýpur skilja ekki mótmælahugtakið - mótmæli eiga að vekja athygli! Þessar fínu frúr vilja heldur muldra ofan í Moggann sinn, enda fjarri þeim sá möguleiki að einstaklingur geti breytt nokkru - hvað þá einhver "strákauli". Hulið andlit hans sjá þær sem merki um að hann "viti upp á sig skömmina" eða sé hreinlega gunga. Ekki sjá þær nokkra mótsögn í því að þessi "athyglissjúki" piltur vilji ekki sýna andlit sitt í fjölmiðlum.

Bloggið logar - hver sem lyklaborði getur valdið rembist nú við að rakka þennan heiðurspilt niður. Einblína þessir aðilar á fyrri mótmæli Hauks - enda voru þau meint ástæða handtökunnar. "Saklaus mistök" lögreglu hljóta að vera ástæðan fyrir því að hann var ekki boðaður til afplánunar með þeim hætti sem lög segja til um. Þetta lið hefði sjálfsagt trúað því að Hitler færi aldrei að drepa Gyðinga. Svona pakk hefði varið Gúlagið fram í rauðan dauðann - enda væri óhugsandi að saklaust fólk væri sent þangað. 

Lögreglan á að fara að lögum - bjúrókratísk "mistök" eru ekki afsökun. Ef lögreglan á að eiga einhvern möguleika á að vinna aftur virðingu fólksins verður hún að vera algjörlega hafin yfir gagnrýni. Lögreglumönnum sem "óvart" taka unglingspilta hálstaki á að víkja úr starfi á nóinu, táragasi á ekki að beita gegn fólki, lögreglan á ekki að aka á fólk og kæra það svo fyrir "skemmdir á eignum lögreglu" þegar höfuðið á því beyglar stuðarann á jeppanum - lögreglan á ekki að gera "saklaus mistök".

 

Hinn hófsami bloggskríll vill að fólk "leiti réttar síns" í gegnum "löglegar leiðir"; dómstólana. Hvaða gagn gerir það þegar dómstólar eru spilltir? Hauk hefði aldrei átt að dæma til að byrja með, þó sumum finnist fáir glæpir alvarlegri en að móðga stórfyrirtæki. 

Þú getur ekki kært ríkið fyrir ríkinu. Það getur aldrei orðið sanngjörn barátta. 

Hófsömu hænsnin vilja ekki heyra minnst á önnur mótmæli en "friðsamleg og hófsöm".  Þau benda á Gandhi - en gleyma því að Gandhi hvatti þýska Gyðinga til að gefast upp og "njóta þjáningarinnar" til að öðlast "innri styrk". Þau benda á Martin Luther King Jr. en gleyma því að hann þurfti líka að berjast gegn siðferðislega spilltu lögregluliði - að hann var ekki hræddur við að brjóta ólög.

 Þau minnast ekki á frönsku byltinguna - atburð sem lagði grunninn að mannréttindunum sem þau þykjast svo hrifin af. Þau leiða hjá sér allar þær byltingar sem mistókust vegna þess að þær voru hófsamar. Hænsnin eru hrædd við of miklar breytingar - það eina sem hin róttækustu geta látið sér detta í hug eru kosningar, svo þau geti nú kosið sömu óhæfu leiðtogana í annarri mynd. Engum dettur í hug að hér þurfi algjöra breytingu - að lýðræðið hafi brugðist.

 

Fanganum sleppt

Athugasemdir

[Æsir (IP-tala skráð) 23.11.2008 kl. 14:02]

Var á Staðnum

Þegar komið var að lögreglustöðinni sem á að vera opinn almenningi til kvartana og liðveislu var hún lokuð

ég sá að Það Voru lögreglumenn inni þannig að byrjað var að banka

Ekki kom neinn til dyra

Bankað var fastar en enginn kom til dyra ekki var með nokkru móti hægt að tala við lögreglu

Fór þá undiritaður á Bakvið hús og var portið vaktað af þremur Lögregluþjónum er vildu mig bara burt af lóðinni

Ég óskaði eftir því að fá að tala við yfirmann þeirra en var neiðað um áheyrn sögðu að þeir hefðu ekkert við mig að tala

Þeir vildu frekar tala á Táknmáli enda eru þeir frumstæðir

Kveðja

[Eva Hauksdóttir (IP-tala skráð) 23.11.2008 kl. 14:07]

Fyrir nú utan það að fólkið sem talar um að það sé nú betra að berjast eins og Ghandi, virðist alveg gleyma því að aðferðin sem Ghandi beitti var einmitt borgaraleg óhlýðni. Hans frægasta aðgerð er sennilega sú að framleiða salt. Það var ÓLÖGLEGT! Ghandi var samkvæmt því afbrotamaður.

[Geir Guðmundsson (IP-tala skráð) 24.11.2008 kl. 00:54]

Mikið rosalega er ég sammála þér.  Frábært blogg.

[Vésteinn Valgarðsson, 24.11.2008 kl. 11:10]

Til að lýðræðið geti brugðist þarf að byrja á að vera með alvöru lýðræði. Það brást m.ö.o. ekki -- það var ekki reynt.

[Heimir Tómasson, 25.11.2008 kl. 02:07]

Alltaf jafn pen, segi ég nú bara.... Góð færsla hjá þér.

[Atvinnumaður (IP-tala skráð) 28.11.2008 kl. 19:01]

þvílík öskrandi snilld þessi færsla hjá þér stúlka...ég varð enþá reiðari við að lesa hana og er skapi næst að fara niðrá þing og sparka í rassa

i love it !!

[Tinna Gunnarsdóttir Gígja, 4.12.2008 kl. 16:02]

Oflof er háð, "Atvinnumaður".