Og hvað með það?

Þeim sem reykja tóbak er hættara við krabbameini, hjarta- og æðasjúkdómum, lungnaþembu og fleiri sjúkdómum. Hins vegar hafa rannsóknir bent til að reykingar minnki líkurnar á endometriosis* hjá ófrjóum konum (en auki þær hjá frjóum konum).

Þeim sem neyta áfengis í "óhófi" er hættara við heilablóðfalli, lifrarskemmdum, fósturmissi og magasári - og ýmsum tegundum krabbameins, reyki þeir líka. Hinsvegar benda rannsóknir til að hófleg áfengisneyzla minnki líkur á Alzheimers, hjartasjúkdómum, sykursýki, gallsteinum, nýrnasteinum, beinhrörnun og gigt.

Þeim sem stunda kynlíf er hættara við sárasótt, HIV smiti, klamydíu, lekanda, kynfæravörtum, lifrarbólgu B og C og herpes simlex II. Hins vegar benda rannsóknir til að þeir sem stunda kynlíf séu almennt hamingjusamari en aðrir, auk þess sem þeir -á dularfullan hátt- hjálpi til við að viðhalda mannkyninu, þó auðvitað megi deila um hvort það sé jákvætt eða neikvætt.

Þeim sem neyta kannabisefna er hættara við geðsjúkdómum (séu þeir erfðafræðilega í hættu fyrir), skammtímaminnistapi, undarlegum hlátursköstum, og hugsanlega krabbameini, neyti þeir kannabisefnanna í bland við tóbak. Hins vegar benda rannsóknir til að kannabisneysla minnki lystarleysi, ógleði og svima hjá krabbameins- og alnæmissjúklingum, sé nytsamlegt til að hafa stjórn á skjálfta og taugakippum tengdum MS og flogaveiki, hafi verkjastillandi áhrif hjá mígreni- og gigtarsjúklingum, minnki þrýsting á augnæðar hjá glákusjúklingum, sé nytsamlegt sem hluti af meðferð við geðhvarfasýki, þunglyndi, kvíða, OC og PTS, auk þess sem það getur hjálpað þeim sem þjást af svefnleysi, fyrirtíðaspennu, eða of háum blóðþrýstingi. Einnig þykir sýnt að það hafi góð áhrif á asthmasjúklinga, þar sem það víkkar berkjur og berklur.

 

Hvað á svo að banna?

 

 

 

*Endometriosis er fyrirbrigði sem ég man ekki hvað heitír á íslensku, en gæti vel heitið "utanlegsslímhúðarmyndun" eða eitthvað í þá áttina. You get the picture.

Kannabisneysla eykur hættuna á geðsjúkdómum

Athugasemdir

[Þarfagreinir, 30.7.2007 kl. 13:59]

Áfengisneysla og tóbaksreykingar og kynlíf eru félagslega viðurkennd fyrirbæri; kannabisneysla er það ekki. Aðalmunurinn liggur þar, en því miður þarf víst ekkert meira til að ákvarða hvað skal banna og hvað ekki. Svo gengur einfaldlega ekki að leyfa allt í einu eitthvað sem er bannað - grundvöllur samfélagsins gæti hæglega hrunið!

[Tinna Gunnarsdóttir Gígja, 30.7.2007 kl. 14:46]

Eins og sannaðist þegar hundahald var leyft í Reykjavík. Það var klárlega upphafið að endinum. 

[Sigurjón, 30.7.2007 kl. 14:57]

Það á að leyfa fulltíða fólki að gera alla skapaða hluti, svo framarlega sem það bitnar ekki á öðrum.

[J. Einar Valur Bjarnason Maack , 30.7.2007 kl. 20:49]

Tinna, það fer líka í taugarnar á mér hveru oft við erum sammála um hlutina.

Þarfagreinir; cannabisreykingar hafa aðeins verið félaglega útskúfaðar í um það bil 80 ár, eða frá því í kring um bannárin. (Þau heppnuðust nú líka svona asskoti skemmtilega)

 Viktoría Bretadrottning neytti hamps við tíðakrömpum og skáldin í kring um Amstelstlíflu í Niðurlöndum hafa reykt hamp frá því á 16 öld...

[Þarfagreinir, 30.7.2007 kl. 21:00]

Þetta var nú að mestu kaldhæðni hjá mér - vil bara árétta það.