Kreppa schmeppa

Hver getur útskýrt fyrir mér hvers vegna kjúklingabringur eru svona fáránlega dýrar? Ég skrapp út í Krónu áðan og var við það að grípa bakka af ferskum kjúklingabringum þegar mér varð litið á kílóverðið. 3000 krónur fyrir kjúklingabringur! Ég get keypt mér kjúklingabringur á Holtinu fyrir 3000 kall. Þrjúþúsund íslenskar krónur fyrir tútturnar af tveimur og hálfri hænu! Til gamans kíkti ég á tilboðsblaðið frá Superbest og á forsíðunni blöstu einmitt við mér kjúklingabringur. Sunnudagstilboð á kjúklingabringum: 79 danskar krónur fyrir 1200 grömm af ferskum kjúllatúttum. Meira að segja á ofurgengi dagsins í dag eru þetta ekki nema rétt rúmar þúsund íslenskar kílóið. 

Danskir kjúklingar eru greinilega bara matgrennri en hinir skerversku því ég rakst á frosnar baunskar júllur á 1600 krónur kílóið. Ég keypti þær því, að sjálfsögðu.

 

 

Athugasemdir

[Tinna Gunnarsdóttir Gígja, 7.4.2008 kl. 11:45]

Að sjálfsögðu geng ég með fína Burberry klútinn um hálsinn. Hann passar svo vel við dragtina sem ég keypti hjá Laxdal um daginn - og maður verður nú að passa hálsinn. Svo er ég farin að reykja Chesterfield, það er svo dannað.

Engar áhyggjur, ég festist einhversstaðar í sumar...þroski schmroski.

Keli: Hér eftir er þér bannað að tjá þig um matarverð í útlöndum. Það gerir mig sorgmædda. Og svanga.