Bloggleti

En frumleg fyrirsögn. Jæja. Ég hef sumsé verið óhugnanlega löt til netskrifa undanfarið, en það er að mestu vegna vinnu. Ég er með vinnu núna. Vakna klukkan korter yfir sex á morgnana, er mætt átta, vinn til fimm (teorí) eð sjö (praxis) við að draga allskyns hluti á eftir mér fram og til baka um vöruhús innanlandsflutningadeildar Eimskips. Þetta finnst mér gaman. Vinnan er aðallega fólgin í þessum drætti (hah!), vigtunum og mælingum, kvittunum og sortéringum ýmiskonar.

 

Annars er ótrúlegt hvernig manni tekst að gleyma dagsetningunni þó maður kroti hana oft á dag. Sama gildir um einfalda hluti eins og póstnúmerið á Akureyri.

 

Ég hef orðið vör við ýmsar útgáfur bæjarnafna í vinnunni. Hér er handhægur listi fyrir hina skrifblindu/fáfróðu;

Blöndu-ós, ekki Blön-dós 

Sauð-ár-krókur, ekki Sauða-krókur

Nes-kaupstaður, ekki Neskupstaður

Vestmanna-eyjar, ekki Vesmaneyjar

Hellis-sandur, ekki Hellis-andur

Reyðar-fjörður, ekki Reiðar-fjörður (og enginn býr á Reiðarfyrði heldur)

Egils-staðir, ekki Egil-staðir

 

 

Og í guðanna bænum; ef þið eruð ekki viss á póstnúmerinu, flettið því upp. Ekki gera ráð fyrir að allir staðir á norðurlandi hafi sama póstnúmer og Akureyri, að Reyðarfjörður sé hverfi á Egilsstöðum eða að Selfoss nái yfir allt suðurlandsundirlendið. Símaskráin er á netinu og í prentformi á flestum betri heimilum.

 

Og annað; þó ég sé eina stelpan þarna þýðir það ekki að ég finni ekki muninn á fimm kílóa pakka og fimmtán kílóa pakka. Og ég heiti ekki elskan, vinan eða góða mín! Og það er ekki mér að kenna að Vestmannaeyjabíllinn skuli fara fyrr en þú hélst! Og ef þú sérð ekki muninn á Flytjanda og Landflutningum ertu vitlaus! Og af hverju í ósköpunum heldurðu að innanlandsflutningar þýði innabæjarflutningar? Drullastu bara sjálfur með pakkann upp í Árbæ. Og hundskastu svo til að merkja helvítis kassann, annars tökum við enga ábyrgð á því að hann endi á réttum stað. Og hvernig væri að pakka draslinu almennilega inn áður en það er sent í stað þess að skammast yfir rispum? Og getið þið ekki flokkað brettin sjálfir í stað þess að hrúga öllu hipsumhaps í eina kássu?

 

En annars er vinnan fín.

 

 

 

 

 

Þa væru bra allir fulir, alltaf!!1!

OMG! Skilru, frænka mín fór einusini til Rúslands oþa voru bra allir a drekka vodka bra í hádeijinu á miðikudeiji skilru! Émeina halló!!! É á ekki börn eða neitt (pældu samt kaða væri fyndið!!! Ein einka mamma bra lol!)  en samt ef ég ætti börn myndi ég ekkirt vylja að þaug væru bra útí búð a drekka bjór einkað fimmára! Þa er sols úti nema kanski í Danmörk o Svíðjóð og sona en í Rúslandi eru br smábörn a drekka og allir eru bra fyllibittur og vinna ekki einusynni. Kvað er fólk a pæla?!?!?!?1??! É meyna sígó er allt örruvísi, þí það hefur aldrey verið bannað eins og bjór o sols. So er líka fólk ekkerrt að keira o reikja og kanski keira á annann bíl sem er kanski barn í! OMG það væri gg vont a selja bjór eikkað í bónusi, eikkur bónusbjór o hagkupsbjór og krónukvítvin! Oj bra, þa mundu bara únlingar kaupa sols, ekki einkað fínt fólk að drekka fisk og steik og einkað! Halló!!!!!! Émeyna pælið aðeins sko!

 

En svona í fullri (ó, ha ha) alvöru: lækkið tolla og gjöld, gefið söluna frjálsa og fylgist með því hvernig allt fer beinustu leið til fjandans. Þið vitið, svona eins og allt fór til fjandans þegar bjórinn var leyfður. Og þegar Sjónvarpið fór að senda út á fimmtudögum. Og þegar við hættum að drekkja fólki fyrir framhjáhald. Og þegar við fengum sjálfstæði. Og þegar útvarpið kom til sögunnar. Og þegar við fórum að leyfa konum að kjósa.

Eins og allt fór til fjandans í Danmörku og Bretlandi og Hollandi. Og öllum hinum stöðunum.

 

Skál!

Á að gefa bjór- og léttvínssölu frjálsa?

Helfararafneitun og ráð við henni.

Allt í lagi. Fyrirsögnin er dálítið villandi. Það eru nefnilega engin ráð. Síðustu daga hef ég reynt að tala vinkonu mína til, en hún heur af enhverjum ástæðum bitið í sig ýmsa vitleysu, m.a. að Helförin hafi aldrei átt sér stað og að ástæða fátæktar í Afríku sé heimska þeldökkra íbúa álfunnar.

 

Ég hef hingað til einbeitt mér að því að hrekja ýmsar fullyrðingar hennar í sambandi við "meinta" Helför, en öllum mínum gáfulegu athugsemdum er vísað á bug. Þetta er nefnilega allt samsæri gyðinga, sjáðu til. Einhver snillingurinn tók sig til og skapaði "heimildamynd" undir titlinum Einn þriðji af helförinni þar sem meðal annars er "sannað" að nazistar gætu ekki hafa brennt lík í opnum gryfjum. Hvaða hávísindalegu rannsóknir liggja þarna að baki? Jú, vinurinn skellti lambalæri í holu á ströndinni og kveikti í. Auk þess bendir hann á að ekkert þak hafi verið yfir gryfjunum, svo þeir gætu ekki hafa notað þær í rigningu. Þetta eru náttúrulega pottþétt rök.

Þegar ég vísaði vinkonunni á síðuna www.nizkor.org benti hún á að á síðunni væri vitnað í bók ritaða af gyðingi. Þar af leiðandi væri síðan ómarktæk með öllu. Ef helfararsjúklingnum er bent á gögn frá nazistum sjálfum eru þau án efa fölsuð, og séu þau komin frá óháðum rannsóknarmönnum hljóta viðkomandi að hafa verið heilaþvegnir.

Ég hef áður minnst á að fólk eigi að hafa rétt á sínum skoðunum, sama hversu veruleikafirrtar, heimskulegar og/eða ógeðfelldar þær kunni að vera. Ef einhverjum dettur í hug að ég sé að skipta um skoðun vil ég taka þetta fram; sem einstaklingur hef ég fullan rétt á að stunda rökræður -sama hversu einhliða rakahlutinn kann að vera. Ríkið hefur aftur á móti engan rétt til að skipta sér af skoðunum fólks, nema skoðanirnar komi fram á siðferðislega glæpsamlegan hátt*. Vinkona mín er ekki í áhrifastöðu innan þjóðfélagsins - sem betur fer - og hefur því afar takmörkuð völd til að breyta heiminum í kynþáttaskipta nazistaparadís.

 

*Með siðferðislega glæpsamlegu athæfi á ég við athæfi sem gengur á rétt annarra einstaklinga til frelsis, hamingju og heilsu. Þessu má ekki rugla saman við lagalega glæpi, hverra grundvallarröksemd er "það er bannað af því að það er bannað".

 

Svo má auðvitað deila endalaust um siðferðisleg viðmið, sem og fara í hártoganir um merkingu orðanna hamingja og frelsi.

Só fokking vott!?

a) Það átti að farga áfenginu.

b) Það sem hefur verið ákveðið að farga flokkast sem rusl.

c) Ergo; fólkið stal rusli.

 

Einhver sagði einhverntíma að enginn væri glæpur án fórnarlambs. Hvert er fórnarlambið hér annað en hin gráðuga einokunarverslun ríkisins? Sjálf "stel" ég oft rusli, og fæ ekki séð að það skaði neinn. Það er þá frekar hitt - að ég hjálpi með þessu verslununum, þar sem þær hafa þá aukapláss í gámunum á eftir.

Dæmd fyrir að stela áfengi

Hvarf Madeleine

Lítil og sæt stúlka hvarf af hótelherbergi. Hryllilegt! Voru það foreldrarnir? Er hún í Marokkó? Er hún á lífi? Hverjum er ekki andskotans sama!?

 

Af hverju fær þetta mál svona mikla umfjöllun? Er það eitthvað hryllilegra en, segjum, mál Daniels Entwistle, sem hefur ekki sést síðan hann hvarf af heimili sínu í Norfolk í maí 2003? Hvað með Charlene Downes, en hún hvarf fyrsta nóvember sama árs efir að hafa skroppið að "norðurbryggju" Blackpool. Eða Mario Borja-Valencia sem hefur ekki sést síðan 2001? Reachelle Smith hvarf af heimili sínu í Bandaríkjunum 17. maí í fyrra. Hún var fjögurra ára.  

Hvað með þessi þúsund annarra barna sem hafa horfið sporlaust?

 

Ef einhver getur útskýrt fyrir mér hvað er svona fokking spes við þennan krakka, þetta mál, endilega gerið það!

 

Fokking pretty white girl syndrome.

 

Tjáningarfrelsið - aftur

Nú virðist aðalmálið vera einhver ritblindur strákauli sem setti upp rasistasíðu á moggablogginu, og sýnist sitt hverjum. Það sem hefur þó komið mér hvað mest á óvart er hversu fáir styðja tjáningarfrelsið í þessu máli, eingöngu vegna skoðana þessa vanvita. Fólk virðist ekki skilja að tilgangur tjáningarfrelsis er ekki einvörðngu að standa vörð um "góðu" skoðanirnar, heldur líka ógeðfelld viðhorf allskyns fífla, enda grunnhugmyndin einhvernveginn þannig að fólk fái sjálft að dæma.

Ef ég réði -og væri þannig innrætt- myndi ég t.d. banna biskup og lögreglustjóra höfuðborgarsvæðisins að tjá sig opinberlega, sem og öllum þeim aragrúa fjölmiðlafólks sem ekki getur gubbað út úr sér sæmilega skiljanlegri setningu á móðurmálinu. En ég ræð ekki, sem er kannske eins gott fyrir þjóðkirkjukristna og hlustendur FM957. Ákveðnir einstaklingar og hópar hafa í gegnum tíðina níðst á tjáningarfrelsinu í nafni "almennrar velferðar", og ber þar fremstan að nefna sjálfan Hitler*, hetju títtnefnds strákaula.

 Að krefjast refsingar fyrir stórgáfuleg ummæli eins og:

"Hitler var einn mesti foringi inní 21.öldina sem til var hann var snillingur í öllu sem hann gerði hann gerði okkur öll frjáls allt sem hann vildi var það að við Hvíta fólkið mundum lifa samhvæmt því að við værum efst í fæðukeðjunni því það er það sem Guð skapaði okkur til að vera."

eða

"Ég er á einni skoðun og það þýðir lítið að banna ip:töluna mína rödd mín mun ekki deyja þar sem að hún liggur greinilega í ykkur öllum þar sem að þið hafið kastað mér á bálið sjálf þið talið um mína fávisku þegar að 50% af ykkur hafið eflaust ekki skoðað nasisma neitt ég veit að ég hef kannski ekki réttar skoðun á þessu máli en þetta er mín skoðun þið hafið ekki sýnt mér að ég eigi eitthvað að breyta þeim þar sem að þið einfaldlega þorðuð ekki að skora á mig í umræðu á minni síðu þar í stað létu þið einfaldlega loka henni. Svona svona fólk þetta er í lagi ég get ekki verið reiður útí minn kynstofn og það er eitthvað sema að þið ættuð öll að læra og munið að við eigum eftir að vera í algjörum minnihluta hér á landi eftir nokkur á minnist mín þá (hei kannski hafði Helgi rétt fyrir sér tisstiss)"

 

skilar engu. Svona kjaftæði á að dæma sig sjálft, en ef svona þvaður verður virkilega til þess að einhvert fíflið ræðst á mann af öðrum kynþætti...tja, þá held ég að við þurfum að hafa áhyggjur af einhverju stærra en sundurlausum bloggfærslum vanvita sem mætti aldrei í sögutíma.

Niðurlögum fordóma verður ekki ráðið með ritskoðun eða bönnum, heldur fræðslu.

 

*Hér er ekki ætlunin að vaða í gegnum það sem nefnt hefur verið argumentum ad hitlerum, heldur eingöngu benda á að nasistar falla í hóp þeirra sem hvað mest reyndu að hefta tjáningarfrelsið, enda of langt mál að telja upp alla þá hópa sem í gegnum tíðina hafa reynt að skerða þessi grundvallarréttindi frjálsra einstaklinga.

Andskotans hálfvitaskapur

Já, breytum landinu í trúarlegt fasistaríki. Það hefur alltaf virkað svo vel.

 

Þetta er eiginlega of heimskulegt til að það taki því að tjá sig um það...en ég geri það samt.

Heldur maðurinn að það leysi vandann að láta fulla fólkið hlusta á einhverja ésúþvælu? Míga kristnir aldrei eða henda dósum? Það virðast vera heitustu glæpirnir í dag. Og hvernig er það, verða þessir trúboðar á launum hjá ríkinu, eða ætlar Geir Jón að smala saman kristlingum í sjálfboðavinnu? Kannske þetta verði valkostur fyrir þá sem gerast svo ósvífnir að kasta af sér vatni; tíuþúsundkall á borðið eða lesa úr Biflíunni fyrir framan Kaffibarinn næstu þrjár helgar - og ekki muldra.

 

Þetta yrði sjálfsagt ágætis skemmtun; Krossarar á einu horni - væntanlega nálægt Qbar - og KFUM við Dubliner. Svo verða slagsmál um yfirráðasvæði; Krossurunum finnst KFUM ekki nógu róttækt, en KFUM vilja bara halda áfram að selja vöfflur og kakó. Þá þarf að kalla til lögguna.

 

Eða er kannske hægt að leysa vandann með því að taka peninginn frá trúfélögunum og nota hann í eitthvað þarfara...eins og salerni og ruslatunnur? 

Geir Jón telur trúboð leysa miðborgarvanda

Er þetta djók?

Löggan röltir um bæinn og tekur fólk fyrir að míga, sektar pöbba fyrir að hleypa fólki út með glös, og er svo hissa á því að fólk verði pirrað?

Í einni óumræðanlegri frétt til viðbótar kemur þetta fram:

"Mjög erilsamt var hjá lögreglunni á höfuðborgarsvæðinu í nótt og var mikið um ölvun og almenn ólæti í miðborginni.

[...]

Í Pósthússtræti var maður skyndilega laminn þannig að stór kúla kom á ennið. Vitni að árásinni segja að árásarmennirnir hafi verið úr þekktum móturhjólasamtökum. Þá var ráðist á mann við Broadway um klukkan fimm í nótt. Árásarmennirnir voru þrír og voru þeir vopnaðir golfkylfum og piparúða sem þeir beittu gegn manninum. Tveir þeirra voru handteknir en einn komst undan.

Um klukkan sex barst lögreglunni tilkynning um að maður lægi rotaður við veitingastað í Hafnarstræti eftir átök. Stuttu seinna kom svo önnur tilkynning frá dyravörðum skemmtistaðarins um að búið væri að taka hníf af manni og að líklega fleiri gestir væru með hnífa. Árásarmaður náði að sleppa en vitni segja hann um 100 kíló að þyngd og vöðvamikinn. Maðurinn sem rotaðist var fluttur á slysadeild en hafði ekki verið stunginn.

Um klukkan hálf sjö í morgun var óskað eftir aðstoð lögreglunnar á veitingastað í Tryggvagötu. Þar brutust út átök milli manna og var einn maður handtekinn.

Þá komu upp fimm fíkniefnamál í nótt og einn var lagður inn á slysadeild eftir að hafa tekið inn skammt af alsælu."

En í þeirri næstu stendur:

"Aukin[n] sýnileiki lögreglu í miðbæ Reykjavíkur í nótt hafði jákvæð áhrif á ástandið...

"Haft er eftir Jóni Bjartmarz [...] aðmarkmiðið með átakinu í nótt hafi verið að koma í veg fyrir óspektir og skemmdarverk og halda uppi lögum og reglum. „Það virðist hafa tekist ágætlega í nótt."

 

Hvaða áhrif? "Bara" fimm fíkniefnamál? "Bara" fjögur ofbeldismál? Og í guðanna bænum ekki fara að segja mér að lögreglan vinni erfitt starf, það hefur margoft komið fram. Það sem ekki dugar eru svona fasistaaðferðir í stað þess að, tja, fjölga almenningssalernum og leyfa fólki að vera með opin áfengisílát. Hví í ósköpunum er það bannað? Er þetta til þess fallið að vernda fjöldann? Eru lög ekki ætluð til þess, í stað þess að finna verkefni fyrir lögguna?

 

 

Þessar fréttir koma af vísi.is, en fyrir neðan þær allar stóð eftirfarandi;

 

"Vegna eðlis þessarar fréttar er ekki boðið upp á að lesendur geti lýst skoðunum sínum á henni."

---

Í Lögreglusamþykkt Reykjavíkur kemur eftirfarandi fram:

3. gr.

Uppþot, áflog, óspektir eða önnur háttsemi, sem raskar allsherjarreglu, má ekki eiga sér stað á almannafæri, og ekki mega menn þyrpast þar saman, ef það truflar umferð eða veldur vegfarendum öðrum óþægindum.

Enginn má sýna öðrum áreitni á almannafæri eða sýna þar af sér ósæmilega háttsemi.

Handtökum alla sem standa í röðum í bænum, það veldur mér óþægindum. Og tölum ekki um helvítis mæðurnar sem taka undir sig alla gangstéttina með stóru vagnana sína.

4. gr.

Bannað er að hafast nokkuð að, sem veldur ónæði eða raskar næturró manna.

Þarf að útskýra þetta nánar?

 

5. gr.

Þegar fjölmenni safnast saman á almannafæri við biðstöðvar almenningsvagna, miðasölur, veitingastaði, verslanir og aðra afgreiðslustaði, skal fólk að jafnaði raða sér þannig að þeir, sem fyrstir koma, fái fyrstir afgreiðslu.

Hve langur ætli fyrningarfresturinn sé á þessu? Stórsöngkonan Björk tróðst einu sinni fram fyrir mig á Kaffibarnum, og einu sinni neitaði dyravörður að hleypa okkur vinkonunum inn á stað, þó við værum fremstar. Ég heimta sýnilegan árangur!

 

Í Lögreglusamþykkt (t.d.) Kópavogs og Mosfellsbæja er að finna eftirfarandi grein, en hana er ekki að finna í Lögreglusamþykkt Reykjavíkur. Þó ber að vekja athygli á því að í dag eru þessi svæði sameinuð, en ekki finnst nokkuð á netinu sem heitir Lögreglusamþykkt Höfuðborgarsvæðisins, og verður því að gera ráð fyrir því að þessar samþykktir séu enn í gildi. Ef einhver veit betur má hinn sami endilega benda mér á hvar hægt er að nálgast þessa ósýnilegu samþykkt.

 

7. gr.

Hver sá, sem staddur er á almannafæri, er skyldur að segja til nafns síns og heimilis, þegar lögreglan krefst þess.

 

Í Almennum Hegningarlögum kemur aftur þetta fram:

112. gr. Hver, sem aðstoðar mann, sem eftirför er veitt fyrir brot, til að komast undan handtöku eða refsingu, með því að fela hann, hjálpa honum til að flýja eða strjúka eða segja rangt til, hver hann sé, skal sæta sektum …¹⁾ eða fangelsi allt að 1 ári.
Sömu refsingu varðar það að tálma rannsókn brots með því að eyðileggja, breyta eða koma undan hlutum, sem fræðslu geta veitt við rannsóknina, eða með því að raska ummerkjum brots.
Hafi einhver framið verknað, sem lýst er í þessari grein, í því skyni að koma sjálfum sér eða nánum vandamönnum sínum undan eftirför eða refsingu, þá er það refsilaust.

....

Hér hef ég eingöngu vísað í lögin, þar sem í 121. grein stendur:

121. gr. Hver, sem opinberlega hvetur menn til refsiverðra verka, skal sæta …¹⁾ fangelsi allt að 2 árum, eða sektum, ef málsbætur eru, nema brot hans varði þyngri refsingu að lögum.
Hver, sem opinberlega og greinilega fellst á eitthvert þeirra brota, er í X. eða XI. kafla laga þessara getur, sæti sektum …¹⁾ eða fangelsi allt að 1 ári.

 

Ekki brjóta lögin krakkar mínir. Drullist bara til að mótmæla ólögum og misbeitingu valds.

 

 

 

 

Vörutorg. Aftur.

a) Ef þú ert nógu mikill hálfviti til að eyða 10.900 krónum í "handlóð, tösku, brúsabelti og dvd" vona ég að þú farir úr axlarlið, einn heima, símalaus og með skitu.

Fyllið gamlar kókflöskur af sandi, haldið á þeim, sveiflið handleggjum. Endurtakið eftir þörfum.

 

b) "API WHEY Protein - Prótein af fullkomnustu gerð til að skera niður fitu og byggja upp vöðva . API er gríðarvinsæl vara og sérstaklega auðveld í blöndun og fáanlegt með bestu bragðefnum. Fáðu þér prótein í hádeginu í staðinn fyrir máltíð og skerðu þannig niður fitu og byggðu upp vöðva."

Þessi vara heitir API. Hint? Ef þú eyðir 9.999 krónum í þetta ertu _____?

Éttu hollan mat, hreyfðu þig. Sjá lið a.

 

c) "Ágætu viðskiptavinir nú styttist í að haustskipin komi til Vörutorgs. Í fyrstu sendingunum mun koma takmarkað upplag af vörum þar sem þær eru teknar með flugi á meðan að skipin sigla um heimshöfun hlaðin gámum."

Ha? Skipin koma með vörur, en fyrst kemur takmarkað upplag með skipum af því að það er flutt með flugi en ekki skipum?

 

d) Space Bags "Lokið pokanum auðveldlega með rennilásnum, kerfið okkar tryggir þér loftþétta geymslu fyrir hámarks vernd.

Rúllið pokanum saman í átt að botninum þá þrýstist loftið úr geymslupokanum og þið getið tvöfaldað geymsluplássið ykkar."

Lokið loftþétta pokanum og þrýstið svo loftinu út. Hversu margir hálfvitar ætli hafi kvartað yfir þessu?

e) "Fjölnota fótanuddtæki"

En ekki þessi leiðnlegu einnota pappastykki sem grotna í sundur eftir fyrsta skiptið. Þetta fótanuddtæki nuddar ekki bara fætur, heldur er einnig hægt að skeyta skapi sínu á því þegar það bilar, nýta það sem hentugt geymslupláss eða gróðursetja kaktus í því.

Andskotans fífl er fólk.

P.s Ég hata Dr. Phil.

 

 

Déskotans asnaskapur.

Ú, ég er með hugmynd! Leyfum mannréttindaböðlunum að halda partý, við getum boðið mannvinum eins og honum Bússa, hann er alltaf svo hress!

 

Bush þiggur boð um að mæta á Ólympíuleikana