...en öryrkjar greiða hærri gjöld.

Jú,voða fínt að lækka komugjöld fyrir börn. Jei! Fokk ðatt! Mig langar ekkert að niðurgreiða komur einhverra krakkaskratta. Svo er útreikningurinn skemmtilegur.

 

Áður:

Öryrki: 350

Barn: 350

Fullorðinn "yrki": 700

= 1400 kr.

 

Nú:

Öryrki: 500

Barn: 0

Fullorðinn "yrki": 1000

= 1500 kr.

Svo þarna hækka komugjöld um 100 kr. yfir það heila; yrkjar og öryrkjar greiða niður komugjöld barna.

Mikið er nú heilbrigðisráðherrann okkar góður.  

 

Mér finnst lágmark að liðið sem eignast krakka hafi efni á því. Hitler verðlaunaði fólk líka fyrir að eignast börn.*

Þeir sem greiða niður komugjöld barna eru m.a.

Pólverjinn sem fékk ekkert borgað í desember.

Skúringakonan sem er búin að fá greitt fyrirfram síðustu þrjá mánuði af því að launin duga ekki.

Stelpan í Bónus sem er að vinna meðfram skólanum.

Gamla konan sem á erfitt með gang og þarf því að taka leigubíl á Heilsugæsluna.

Maðurinn sem var ekið á fyrir nokkrum árum og fer allra sinna ferða í hjólastól.

 

 

 

 

 

*Argumentum ad Hitlerum - Ber ekki að taka alvarlega. Nema þú sért hálfviti.

Börn greiði ekki komugjöld

Fríkað

Árið 2005 kom út bókin Freakonomics: A Rogue Economist Explores the Hidden Side of Everything. Annar höfundanna, Steven Levitt, setti ásamt öðrum fram umdeilda kenningu nokkrum árum áður. Um hana er fjallað nokkuð ítarlega í bókinni, en grunnkenningin er sú að fóstureyðingar fækki glæpum. Nú súpa Jón Valur (ef hann er raunverulega til) og skoðanabræður hans sjálfsagt hveljur (ef þeir vita yfirhöfuð af þessari kenningu - ég ímynda mér ekki að þeir lesi bloggið mitt) og garga að fóstureyðing sé glæpur.(Á því verður ekki tekið í þessari færslu - enda hugsa ég að  flestir mínir lesendur hafi nú þegar myndað sér skoðun á málatilbúnaði Jóns og félaga).

 

Glæpum fækkaði snarlega eftir 1992 (í Bandaríkjunum), 18 árum eftir að fóstureyðingar voru leyfðar í landinu öllu. Í þeim ríkjum USA (BNA er bara of plebbalegt. Kommon) sem leyfðu fóstureyðingar fyrr (m.a. Alaska, Kaliforníu og New York) dróst glæpatíðni enn frekar saman. Samkvæmt kenningunni er lögleiðing fóstureyðinga stór hluti af orsökinni, og sú skýring gefin að óvelkomin börn (e. unwanted children) og börn sem fæðast inn í ömurlegar aðstæður séu líklegri til að fremja glæpi en önnur.

Margir hafa gagnrýnt kenninguna og bent á að fylgni leiði ekki sjálfkrafa til orsakasambands. Um það verður ekki fjallað hér. Mér finnst kenningin bara meika sens og bendi því á hana.

 

Eins og þessi færsla byrjaði svakalega vel. [Dæsir]

Morðum fer fækkandi í New York og Chicago

Um mikilvægi prófarkalestrar.

Úr frétt af vísi.is

"Þar kemur einnig fram að lögmenn Toys-R-Us krefjist þess einnig að því verði haldið fram að verðið í Just4Kids sé "miklu, miklu lægra en í Toys-R-Us""

 

Eh. Já.

 

Próvarkalessarar erumikkilvæjir!

Það sem fólk trúir á...og enn einu sinni af siðferði

Fólk er fífl, það hefur löngum sannast. Eftir að ég sá myndskeið um Mormónstrú fór ég að velta því fyrir mér hversvegna mörgum finnist hún voða fyndin. Eru trúarhugmyndir Mormóna eitthvað fáránlegri en annarra?

 

Grundvöllur kristinnar trúar er að hrein mey hafi fætt barn sem var í raun Guð (eða svoleiðis). Sá óx síðan úr grasi og læknaði blindu, lömun og dauða með handayfirlagningu. Eftir að hann var búinn að rölta um og ögra vísindalögmálum í 30 ár dó hann. En lifnaði svo við. Og hvarf svo. Þeir sem trúa þessu fá svo loforð um eilíft líf. Eftir að þeir deyja.

Biblían, grundvallarrit a.m.k. þriggja trúarbragða, er uppfull af skemmtilegum sögum. Flestir virðast núorðið á þeirri skoðun að um líkingar sé að ræða, en þó eru enn margir sem trúa eftirfarandi ;

 

 Sólin stöðvaðist á himninum. Og bakkaði.

 Heimurinn varð til á einni viku.

 Fullskapaður og fullvaxinn karlmaður var búinn til úr mold.

 Fullvaxin og fullsköpuð kona var föndruð úr nokkurra desimetra beini.

 Snákar geta talað. Og borða ryk.

 Hægt er að koma u.þ.b. 3 milljónum dýra fyrir um borð í bátkænu sem er 140 x 23 x 13.5 metrar. Það tekur auk þess ekki nema einn dag að koma þeim um borð.

 Á tímum Gamla Testamentisins var algengt að fólk lifði til hárrar elli. Mjög hárrar elli. Yfir 300 ár.

 Leðurblökur eru fuglar og hérar jórtra.

 Einhyrningar eru til. Og Guð er jafn sterkur og þeir.

 Sniglar bráðna.

 Maður getur lifað í "maga fisks" í a.m.k. þrjá sólarhringa.

 ...og margt, margt fleira.

---------

Siðferði, boð og bönn.

Biblían segir:

Ekki drepa.

Ekki ljúga.

Ekki stela.

Ekki herma eftir hinum ef þeir eru að gera eitthvað slæmt.

Vertu góður við ókunnuga, ekkjur, fátæka og föðurlaus börn.

Skildu eftir vínber á viðnum (og korn í hornum akra) handa ferðamönnum og fátækum.

Dómarar og aðrir valdsmenn eiga að vera hlutlausir og ekki þiggja mútur.

Ekki senda sloppna þræla aftur til "eigenda" heldur leyfið þeim að búa með ykkur í frelsi og friði.

Heiðraðu foreldra þína.

Viska er betri en ríkidæmi.

Vertu góður við dýr.

Glatt hjarta er jafn gott og lyf.

Vertu góður við óvini þína.

Gefðu deyjandi mönnum sjúss og niðurdregnum vín svo þeir gleymi sorgum sínum.

Ekkert er manninum betra en að eta, drekka og vera glaður.

Gerðu það vel sem þú gerir.

Borgaðu starfsfólki sanngjörn laun.

 

Þarna er margt gott að finna inn á milli. Reyndar er slatti í mótsögn við önnur vers...en það er víst sama hvaðan gott kemur (eða þannig), ekki satt?

 Kóraninn segir:

 

Ef þú trúir því, sannaðu það.

Eyddu fé þínu í að hjálpa þurfandi, foreldrum þínum og munaðarleysingjum.

Ekki fela sannleikann viljandi.

Frelsaðu þræla.

Ekki okra.

Ekki rífast um eitthvað sem þú hefur ekkert vit á.

Vertu sanngjarn við ríka jafnt sem fátæka, jafnvel þó það komi þér illa.

Ekki drepa menn eða dýr að nauðsynjalausu.

Ekki svindla eða ljúga.

Greiddu fátækraskatt.

Fyrirgefðu öðrum.

Ekki svara vinsemd með óvinsemd.

Ekki fylgja því sem þú þekkir ekki.

Karlar og konur skulu hjálpa hvert öðru.

Liðfu í friði við hina vantrúuðu.

Ágiskun kemur aldrei í stað sannleikans.

 

Hér, sem og í Biblíunni eru mótsagnakennd vers inn á milli.

 

Hávamál segja:

 

Vertu gestrisinn.

Viska er traustur vinur.

Kynntu þér aðstæður áður en þú ferð að tala.

Viska er betri en ríkidæmi.

Ekki drekka of mikið.

Vertu glaður allt til dauðadags.

Enginn dæmir þig fyrir að fara snemma að sofa.

Ekki bulla að óþörfu.

Það er heimskulegt að liggja andvaka yfir vandamálum, þau verða enn til staðar um morguninn.

Ekki allir sem brosa til þín eru vinir þínir.

Ekki vera þaulsætinn gestur, annars fá allir leið á þér.

Ekki vera nískur á fé.

Gefðu gjafir sem þér þykir vænt um.

Vertu vinur vina þinna.

Maður er manns gaman.

Gjafmildir og hraustir lifa bestu lífi.

Ekki vera latur.

Ekki skammast þín fyrir að eiga lítið.

Þú ert ekki gagnslaus þó þú sért ekki fullhraustur.

Láttu verkin tala.

 

Textar Búddista segja:

 

Ekki skaða neitt lifandi.

Ekki stela.

Forðastu óábyrga kynhegðan.

Forðastu áfengi og annað sem hefur áhrif á skynjun þína.

Ekki ljúga eða segja eitthvað særandi.

Vertu örlátur.

Vertu staðfastur.

Vertu góður og gestrisinn.

 

Konfúsíus segir:

Vertu réttlátur.

Elskaðu aðra.

Ekki vera gráðugur.

Vertu kurteis.

Heiðraðu foreldra þína.

Vertu staðfastur.

Komdu fram við aðra eins og þú vilt láta koma fram við þig.

Ef maður misnotar vald sitt eiga undirmenn að rísa upp gegn honum.

 

Rit Hindúa segja:

 

Vertu góður.

Ekki skaða nokkra lifandi veru.

Vertu heiðarlegur.

Sýndu samúð.

Vertu þolinmóður.

Ekki vera gráðugur.

Ekki vera stoltur.

Ekki vera abbó.

 

Satanistabiblían segir:

 

Heimska er höfuðsynd.

Ekki skaða lítil börn.

Ekki taka það sem ekki tilheyrir þér nema það íþyngi þeim sem á það.

Ekki drepa dýr nema þér sé ógnað eða til matar.

Sýndu öðrum virðingu ef þú ert á þeirra yfirráðasvæði.

Ekki kvarta yfir hlutum sem þú hefur stjórn á.

Ekki áreita fólk á opnu svæði. Ef einhver áreitir þig, biddu hann um að hætta. Ef hann hættir ekki, rústaðu honum.

Ekki þykjast vera eitthvað sem þú ert ekki.

Ekki blekkja sjálfan þig.

Ekki fylgja hópnum í hugsunarleysi.

Ekki leyfa stolti að skaða hagsmuni þína.

 

 

Almenn skynsemi segir:

Ekki taka meira en þú þarft.

Vertu góður við minnimáttar.

Hugsaðu sjálfstætt.

Vertu góður við aðra.

Reyndu að gera líf þitt og annarra betra.

Virtu aðra.

 

Annars er það bara pick'n'mix eftir hentugleikum.

 

 

 

 

Enn af kristni

Samkvæmt tölum frá Hagstofunni voru rúm 82% landsmanna skráð í Þjóðkirkjuna árið 2006, eða 252.234 manns. Inni í þessari tölu eru 58.553 börn undir 16 ára aldri. Foreldrar sjá um flutning milli trúfélaga fyrir þau. Hinir 193.681 sem geta sjálfir skipt um trúfélag eftir eigin geðþótta eru u.þ.b. 60% þjóðarinnar. Þetta er meirihluti Íslendinga. En...

Hversu há ætli þessi tala væri ef...

a) Einstaklingar stæðu utan trúfélaga til 16/18 ára aldurs í stað þess að vera sjálfkrafa skráðir í trúfélag móður við fæðingu?

b) Aðfluttir væru skráðir í eigin trúfélag í stað Þjóðkirkjunnar? Kunningi minn, fæddur í Bandaríkjunum, þarf að skrá sig úr Þjóðkirkjunni í hvert skipti sem hann skiptir um húsnæði.

Nú spyr ég.

Kristilegt siðgæði

Djöfulsins helvítis andskotans hálfvitaskapur! Geta þau ekki druslast til að svara einfaldri spurningu?! "Fallegt orð"!? Meira andskotans hugleysið. Drullist bara til að segja að kristið siðgæði sé betra svo við getum rifist á móti. Ekki fara undan í flæmingi þegar ykkur er bent á merkingu ykkar eigin orða og athafna. Fokking fokkedí fokk!

 

Jæja, þá er það frá.

 Ég var sumsé að fylgjast með hæstvirtum pólitíkusum rífast um hvort væri meira sammála hinu, hvort væri kristnara og hvort vildi fremur "standa vörð um kristin gildi".

Er enginn þingmaður sem ekki telur sig kristinn og þorir að viðurkenna það? Varla eru þeir allir svona líka hákristnir?

Hversvegna?

Nú á ég engin börn og hef því ekki hugmynd um hvernig þetta svokallaða "móðureðli" virkar (ef það er þá yfir höfuð til). Sem áhugamaður um ættleiðingar og slíkt hef ég þó hugsað mikið um mikilvægi erfðatengsla þegar kemur að barneignum. Þessi frétt og forsaga hennar hefur hrært nokkuð í höfðinu á mér og helst þetta sem flotið hefur upp;

Nú hafa þessir foreldrar alið upp "röng" börn í næstum ár. Hafa þau ekki bundist börnunum neinum tilfinningaböndum? Hvað gerist ef önnur móðirin nær ekki að mynda tengsl við "rétta" barnið?

Hvað hugsa börnin? Nú eru þau það ung að ekki er hægt að útskýra málið. Jafnvel þó það væri hægt, hvað á að segja? "Mömmu þykir voða vænt um þig, en hún vill frekar fá hina stelpuna"? Þau eru þó nógu gömul (væntanlega) til að þekkja foreldra sína, þ.e.a.s. úr t.d hóp. Hvernig gengur að venja þau á nýja mömmu og nýjan pabba?

Þetta vekur einnig upp hina óumflýjanlegu spurningu; hversvegna eru þau að býtta?

 

Tékknesk stúlkubörn aftur til foreldra sinna

Ég er ástfangin.

...og það af tveimur manneskjum í einu.

Annarsvegar Nönnu R. eftir að ég las bloggfærslu hennar um matarboð og sá þennan matseðil (ég vona að hún kæri ekki ritstuldinn);

grafið kindafillet/límónumaríneruð hörpuskel/kúskús með basilíku og arganolíu
Castell de Villarnau cava

hráskinka með þurrkuðum perum og klettasalati

pistasíu-risarækjur með lárperumauki
Torres Esmeralda

kornhænusúpa með smjördeigsstöngum

andabringusalat með klettasalati og granateplafræjum
Francois d’Allaines pinot noir

skötuselur með sætkartöflustöppu og paprikumauki
Emporio frá Sikiley

nautalund með portobello- og kastaníusveppum, ofnsteiktu grænmeti og sósu
Castello di Querceto Chianti Classico

fjórir ostar
púrtvín

þrílitar súkkulaðiísrósir með hindberjasósu

kaffi og konfekt
Calvados, koníak og Pedro Ximenes

 

Og hinsvegar Gene Wilder. Ég var sumsé að komast að því að fíni mynddiskurinn sem ég festi kaup á í Tiger (borið fram tíer, ekki tægör. Dönsk búð. Þar sem allt kostaði tíer. Skilurðu?) er ekki Lísa í Undralandi frá sextíogeitthvað með Peter Sellers og Dudley Moore eins og stendur á hylkinu, heldur Lísa í Undralandi frá nítíogníu með Gene Wilder og Whoopi Goldberg og Martin Short og fleiri vanmetnum leikurum.

 

Pissustopp; Hvernig dettur nokkrum manni í hug að auglýsa Mixed Nuts (snilldarmynd) með því að nefna að Steve Martin (sem er þrátt fyrir allt nokkuð sæmilegur leikari) hafi leikið í Ódýrari í tylftum? Hversvegna ekki að nefna Dauðir menn ganga ekki í Kórónafötum, Þrjá vini, Fíflið eða Húspíuna? Þetta eru allt góðar aulahúmorsmyndir (DmgeíK þó langbest, sérstaklega ef áhorfandinn hefur áhuga á film noir). Tala ekki um Novocaine, sem er einmitt síðasta verulega góða (góð lýsir henni ekki nógu vel. Mig skortir orð. Þessi mynd er frábær í alla staði) myndin sem hann lék í.

 

Ég er trúleysingi. Duh.

Ég man ekki til þess að ég hafi nokkurn tíma trúað á guð. Ég bað bænir þegar ég var krakki, en tengdi það ekkert sérstaklega einhverjum siðferðisboðorðum, leit meira á það sem "eitthvað sem krakkar gera". Sá boðskapur kom frá leikskólanum. Jésús er besti vinur barnanna.

Þegar ég var tíu eða ellefu ára (um það leyti sem pabbi dó) ákvað ég að fermast ekki. Þegar ég tilkynnti þetta var því tekið með góðlátlegu "þú segir það núna" (sem nota bene eru sömu viðbrögð og ég fæ í dag þegar ég segist ekki ætla að eignast börn). Þegar presturinn kom í skólann til að dreifa einhverjum fermingartengdum pappírum rétti ég þau til baka og sagðist ekki ætla að fermast. Presturinn brosti.

"Viltu samt ekki taka blöðin?"

"Nei takk. Ég þarf þau ekki. Ég ætla ekki að fermast."

"Taktu samt blöðin, kannske vilja foreldrar þínir að þú fermist." 

Ég undraðist þetta svar, enda stöðugt hamrað á því að fermingin væri okkar val. Ég neitaði enn að taka við blöðunum og presturinn gafst upp.

Árin eftir þetta las ég mikið um trúmál. Sá lestur styrkti mig nær eingöngu í trúleysinu. Mér fannst svosem rökrétt að vera góður við náungann, ekki drepa, ekki stela eða ljúga o.s.frv. Ég bara gat (og get) ekki skilið hvernig það tengist einhverjum kalli sem dó fyrir 2000 árum.

 Ég kynntist á þessum árum nokkrum stúlkum. Ein er (eða var) Mormóni. Mikið þóttu mér það vitlaus trúarbrögð. Önnur var Vottur Jehóva (engin jól eða afmæli? Og engar blóðgjafir? Eruði klikk?). Ein var virk í KFUM&K og mætti ég stundum á fundi með henni. Það var nefnilega poolborð í kjallaranum. Enn önnur dró mig á samkomur í Fíladelfíu. Þar voru svo sætir strákar.

 

Ég hef enn ekki fundið trú. Þaðan af síður hef ég fundið þessa vinsælu "pick'n'mix" trú sem Íslendingar (þessir fimmtán trúuðu) virðast halda sig við. Mér hefur alltaf fundist það órökrétt að segja Biblíuna orð Guðs Almáttugs, Alviturs & Algóðs en fylgja svo bara þeim boðum og bönnum sem manni líst best á.

"Það má ekki drepa (nema í stríði). Tékk!

Það má ekki stela (en eitt vínber er ekki þjófnaður). Tékk!  

Það má ekki ljúga (nema bara stundum svona ef það er nauðsynlegt eða þægilegra). Tékk!

Það má ekki borða skelfisk. En humar er svo góður...æ, þetta er skrifað á öðrum tíma og á ekki við í dag.

Konur eru óæðri körlum. Svona má ekki segja! Þetta er náttúrulega barn síns tíma og telst ekki með.

Vera góður við náungann (nema hann sé ósammála mér). Tékk!

Það er auðveldara fyrir úlfalda að komast í gegnum nálarauga en ríkan mann að komast inn í himnaríki. Öööh. Guð meinti örugglega eitthvað annað. Svo er ég auðvitað nógu ríkur til að kaupa frekar stóra nál. Og nokkra úlfalda ef fyrsta tilraun misheppnast."

 Ef þú ætlar endilega að trúa því að Biblían sé orð Guðs, óhagganlegt og eilíft, farðu þá eftir öllu, ekki bara því sem hentar hverju sinni.

-

Þó ég hafi tekið kristnina fyrir hér, hef ég ekki orðið vör við að önnur trúarbrögð (eða áhangendur þeirra) séu frábrugðin svo nokkru skipti. Í kristninni eru margar fallegar pælingar. Það sama gildir um hin trúarbrögðin, hvort sem þau nefnast íslam, satanismi eða búddismi.

-

Ps. Ég sá Jesú í skýjunum í sumar. Sólin var að setjast, og baklýst skýin mynduðu sterka andlitsmynd Jésú hins vestræna, með skegg og allt. Mín fyrsta hugsun var "Hei! Jésú!" Önnur hugsunin var svo "Fokk, ég er ekki með myndavélina!"

 

Þriðja hugsunin var "Djöfulli er ég þunn."

 

 

 

 

 

 

 

 

Ráðherra segir Siðmennt misskilja

Innkaup.

Þegar mig langar svakalega að gerast þunglynd (meira en venjulega, þ.e.a.s.) fer ég inn á heimasíðu danska stórmarkaðarins SuperBest. Þar er hægt að skoða tilboðsbæklinginn þeirra og gera innkaupalista í leiðinni með því einu að smella á vörurnar sem birtast í bæklingnum. Þetta geri ég stundum, mér til yndisminnkunar.

Tilboð yfirstandandi viku gilda til laugardagsins 1. des. Ég ákvað að "versla" fyrir 10.000 íslenskar krónur (um 800 danskar á núverandi gengi). Hér er það sem ég setti í rafrænu körfuna;

 

Store juleappelsiner 10 stk.	1.stk (a.30,-) Total: 30,-
Svinekoteletter 500 g.	1.stk (a.39,-) Total: 39,-
Hakket oksekød 2000 g.	1.stk (a.75,-) Total: 75,-
Kyllingebrystfileter 280 g.	1.stk (a.29.95,-) Total: 29.95,-
Hel Fersk Dansk kylling 1.700 g.	1.stk (a.69.95,-) Total: 69.95,-
Hatting specialbrød 3 poser. (250 - 720 g)	1.stk (a.50,-) Total: 50,-
Frigodan grøntsagsblandinger 3 stk. (450 - 750 g)	1.stk (a.50,-) Total: 50,-
K-salat 3 bægre (100 - 250 g)	1.stk (a.25,-) Total: 25,-
Buko Smelteost 2 stk. (250 g.)	1.stk (a.35,-) Total: 35,-
Riberhus ost ca. 625 - 710 g.	1.stk (a.44.95,-) Total: 44.95,-
Original juice 3x2 l.	1.stk (a.50,-) Total: 50,-
Sodavand 30 flasker. (250 ml.)	1.stk (a.49.95,-) Total: 49.95,-
Kærgården 3 pakker. (250 g.)	1.stk (a.27.95,-) Total: 27.95,-
Schulstad weekendboller 3 pakker. (530 -550g.)	1.stk (a.20,-) Total: 20,-
Kims Snacks eller Chips 2 poser. (100 - 250 g.)	1.stk (a.30,-) Total: 30,-
Schulstad levebrød 430 - 1000 g.	1.stk (a.9.95,-) Total: 9.95,-
Marmelade eller syltetøj 2 glas. (330 - 400 g.)	1.stk (a.25,-) Total: 25,-
Lotus 16 ruller.	1.stk (a.39.95,-) Total: 39.95,-
BKI Classic 5 poser (500 g.)	1.stk (a.99.95,-) Total: 99.95,-

Total: 801.6,-

 

Athugið að þar sem magn er innan sviga er átt við hvert stykki. Kaffitilboðið samanstendur sumsé af fimm 500 gramma pokum.

Inn í reikninginn vantar reyndar pantinn fyrir gosið, þ.e. 30x1 dkr fyrir flöskurnar + 10 dkr fyrir kassann.

 

Hvð ætli þetta myndi kosta hér á Fróni?