Ha ha ha!

Hálfvitar.

 "Einn lögreglumaður meiddist þegar táragashylki sprakk fyrir slysni inni í lögreglubíl."

 

Annars myndi ég með glöðu geði taka þátt í þessum mótmælum ef ég væri stödd í Köben.

Það voru mistök að rífa Ungdomshuset, og enn meiri mistök að selja reitinn öfgakristnum.

Heimurinn virðist stefna í átt að fasisma aftur, og það hryggir mig.

 

 

 

Tugir handteknir í óeirðum í Kaupmannahöfn

Eitt orð; Fífl.

Ef þér var alveg sama um bjórkælinn, af hverju varstu þá að röfla yfir honum til að byrja með? Var þetta bara nett grín hjá þér, eða þurftu tugir manna að benda þér á vitleysuna til að þú fattaðir hversu heimskuleg þessi "vinsamlega tillaga" var? Þetta nær engri átt!

 

Djöfulsins vitleysingur er þetta. Hver kaus hann? 

Borgarstjóri: Mín vegna má setja kælinn upp aftur

Frá Reykjarvík til Selfossar, með viðkomu í Hafnafyrði.

Ég var búin að skrifa þessa fínu nöldurfærslu um beygingar- og stafsetningarvillur í íslenskum örnefnum, en fjandans blogghelvítisdraslið þurrkaði hana út. Svo ég skrifa bara aðra. Allt öðruvísi og ófyndnari.

Á eftir misrituðum orðum set ég fjölda niðurstaðna af google. Þetta er auðvitað afar óvísindaleg nálgun, enda ómögulegt að segja til um ástæður ritunarinnar. Sem dæmi má nefna að á Siglufirði er að finna Laugarveg, þó Laugavegurinn sé í Reykjavík. Orðum fletti ég upp í nefnifalli nema annað sé tekið fram.

Við skulum hefja ferðina í höfuðborginni Reikjavík (358), en þangað skruppu nemendur "einn bekkja" Brekkubæjarskóla einmitt í vor:

"Nemendur 1 bekkja ásamt kennurum fara í vorferð í Húsdýragarðinn í Reikjavík."

Í Reykjarvík (727*) er margt hægt að gera sér til skemmtunar, t.d. rölta niður Laugarveginn (10.500), en við Laugaveiginn (233 - þf. m.gr.) er að finna verslanir af öllum stærðum og gerðum. Eftir það er ekki úr vegi að skella sér til Hafnafjarðar (13.500/23.900 -þgf.). Frá Hafnarfyrði (740 - þgf.) er stutt til Grindavíks (8 - ef.) og Keflavíks (8 - ef). Ef haldið er í austurátt koma menn á endanum til Selfossar (1.500 - ef.) ef þeir ákveða ekki að aka til Hveragerðar (59 - ef.) í staðinn. Þegar komið er til Selfosss (140 - ef.) er tilvalið að skreppa að Gullfossi, og jafnvel kíkja til Geysirs (53 -ef.). Frá Þorlákshöfn er hægt að taka ferju til Vestmanneyja (47.800), en í Vesmannaeyjum (401) varð frægt eldgos á síðustu öld.

Þegar komið er aftur til meginlandsins er ekið sem leið liggur austur að Höfn á Hornafirði (904), þaðan til Djúpavogar (36 - ef.) og Stöðvafjarðar (74), áður en komið er til Neskaupsstaðar (12.700).

Frá Neskaupsstað (22.700 - þgf.) er ekið til Egilstaða (507 - ef.), nú eða Eigilstaða (81 -ef.). Egilstaðir (10.100) eru 265 kílómetra frá Akureiri (474). Ferð til Akureyris (820 - ef.) er þó vel akstursins virði, enda er þar margt hægt að gera sér til dundurs. Þegar skemmtanalífið á Agureyri (283) hefur verið skoðað er tilvalið að  halda til Sauðakróks (133), Blönduósar (205) eða Hvamstanga (105 - þf.). Á vestfjörðum er ekkert að sjá, svo við ökum beina leið til Borgarnesar (151  - ef.) og þaðan til Akranesar (567 - ef.), hvaðan við siðan rúntum í gegnum Mosfellsveit (156) og heim til Reykjavíkur.

 

 

*Þ.m.t. vísanir í Reykjarvík í Kaldrananeshreppi.

Arkitektúr

Ráðhúsið. Iðuhúsið. Intrum. Fyrirbærið á gamla Stjörnubíósreitnum...þetta sem lítur út fyrir að vera byggt úr steypu og gömlum fiskabúrum.

Oj bara, allt saman.

Reyndar hefur mér oft dottið í hug að stinga upp á því við borgarráð að það skipuleggi hugmyndasamkeppni; Fegrum Ráðhúsið. Væri steypuklumpurinn ekki þolanlegri ef búið væri að mála hann í fallegum litum? Nú, eða fá graffara til að rissa upp risastóra veggmynd. Svo væri hægt að skipta þessu út á 3-5 ára fresti.

Annars þurfa hús ekki að vera ný til þess að vera ljót. Mér finnst Þjóðleikhúsið til dæmis alveg hryllilega ljótt, enda hef ég aldrei verið hrifin af svona áferð, hvað sem hún nú kallast. Smásteinablástur eða eitthvað. Sömuleiðis finnst mér aðalbygging HÍ ljót, og ekki er Laugarneskirkja skárri. Áður en fólki dettur í hug að ég hafi eitthvað á móti Guðjóni Samúelssyni, vil ég taka fram að mér finnst t.d. Landakotskirkja mjög falleg bygging, sem og Landsspítalinn (eða Últramegateknóspítalinn Stefán, eins og hann heitir í dag).

Torfusamtökin gáfu fyrir skemmstu út bæklinginn 101 í hættu!, en í honum er að finna myndir af 101 húsi sem mögulega stendur til að rífa eða flytja. Nokkur hús á listanum eru þegar horfin.

Á þessum lista er að finna hús sem ég vil alls ekki láta rífa (eða færa), og finnst í raun út í hött að láta sér detta slíkt í hug. Tökum sem dæmi húsið við Austurstræti 20, Hressingarskálann. Þarna er um að ræða eitt yndislegasta hús borgarinnar (þó starfsemin sé svona upp og ofan -muniði eftir makkdónalds?), að ekki sé minnst á bakgarðinn, hvar Jörundur Hundadagakóngur er sagður hafa ræktað kartöbblur.

Á meðal annarra húsa á listanum má nefna Klapparstíg 30 (Sirkus), Lækjargötu 6b (Litli ljóti andarunginn), Lækjargötu 8 (Kína húsið), Laugavegur 21 (Hljómalind), Laugaveg 27 (Tíu Dropar), Laugaveg 29 (Brynja) og Laugaveg 73 (Bístró - og þar til fyrir skemmstu Kaffi Vín).

Málið snýst hinsvegar minna um húsin sem til stendur (hugsanlega) að ryðja úr vegi, og meira um hvað á að reisa í staðinn. Mörg hús á listanum eru forljót og illa farin, en ég vil frekar halda í þau en þola annað Iðuhús.

 

Þá líst mér betur á tillögu Torfusamtakanna: 

 

 

 

Torfusamtökin harma niðurrif á Laugavegi

http://eyjan.is/bjorningi/2007/08/17/hall%c3%a6rislegir-utursnuningar/

"Í [Frétta]blaðinu í morgun er því lýst sem hálfgeggjaðri hugmynd að borgaryfirvöld leiti eftir því við ÁTVR að takmarka sölu á köldum bjór í lausasölu í Austurstrætinu."

"Samkvæmt upplýsingum lögreglu eru margir þessara einstaklinga sestir á bekki í Austurvelli snemma á morgnana og bíða þess að verslun ÁTVR opni á morgnana, svo þeir geti keypt kaldan bjór í stykkjatali á um 150 kr. stykkið. Með því að öngla saman fyrir nokkrum slíkum dósum geta þeir setið að drykkju allan daginn úti undir berum himni"

 

Og er það vandamálið? Eru þessir "ógæfumenn" ekki einmitt þekktir fyrir að drekka allt sem að kjafti kemur, svo lengi sem það er áfengt? Er betra að þeir drekki spritt eða kardemommudropa. Nú eða - sem dæmi - "öngli saman" fyrir pela af Koskenkorva vodka (350 ml. á 1590 kr. eða 500 ml. á 2190 kr.) ?

Lof mér segja þér eitt, Bingi minn; ef einstaklingur er það langt leiddur af drykkju að hann hefur misst allt (og varla er þetta fólk þarna út af félagsskapnum), er honum sama hvort hann drekkur konjak eða klóakhreinsi. Bjórinn er aftur á móti bragðbetri og hollari en t.d. mentólspritt í kók eða ódýr rússi.

 

"Lögreglan hefur m.a. áform um færanlegar lögreglustöðvar sem koma mætti fyrir á þeim stöðum í miðborginni sem af einhverjum ástæðum þykja hættulegri en aðrir. Þá hafa borgaryfirvöld rætt um aðkomu að kaupum á fleiri öryggismyndavélum, því að lýsa frekar upp miðborgina og svo framvegis. "

 

Á þetta að leysa vandann? Þessi hugsunarháttur lýsir almennu vantrausti á náungann. Eins og hugsunin hjá flestum sé "Ef ég hefði nú bara óupplýst sund, þá myndi ég sko berja þennan!" Flest slagsmál - fullyrði ég án nokkurra sannana- eru ákveðin á staðnum, og skiptir þá engu hvort til staðar eru myndavélar eða kastarar. Ég minni á að Sæbrautin er t.d. mjög vel lýst. Lögreglan hefur hingað til ekki virzt traustsins verð (sjá http://zerogirl.blog.is/blog/zerogirl/entry/193693/) , svo hverju breytir það að hafa meira af henni? Eina gagnið sem öryggismyndavélar gera er að upplýsa glæpi eftir að þeir eru framdir, ekki að koma í veg fyrir þá. Óupplýstir staðir eru yfirleitt óupplýstir af ástæðu; húsasund, bakgarðar, o.s.frv.

 

 

Auðvitað er mjög göfugt að vilja koma í veg fyrir glæpi. Vandinn er bara sá að engum virðist detta í hug að einstaklingsfrelsið sé nokkurs virði. Það er alltaf fyrsta fórnarlambið. Til að koma í veg fyrir glæpi þarf að ráðast að rót vandans; fátækt, sjúkdómum, fordómum. Heilbrigð, upplýst, hamingjusöm manneskja ræðst ekki á neinn.

Jafnvel þó hún hafi fengið sér í glas.

Kæri herra borgarstjóri, þér eruð fífl.

Maðurinn hefur greinilega aldrei stigið fæti inn í Ríkið í Austurstræti.

 

"bjóði viðskiptavinum meðal annars upp á að kaupa kaldan bjór í stykkjatali"

Ég fór síðast í umrætt útibú einokunarverzlunarinnar í gær, og þá var þar eingöngu að finna pissvolgan bjór. Þarna eru nefnilega engir kælar, öfugt við flestar aðrar vínbúðir á höfuðborgarsvæðinu. Ég ætti að vita það, þar sem þetta fer mikið í taugarnar á mér. Líklega er ástæðan fyrir kælaskortinum einmitt sú að bjórsala okurbúllanna í kring drægist saman ef fólk gæti keypt sér kaldan bjór í Ríkinu á þriðjungsvirði.

 

"Ekki sé til dæmis hægt að una því að ógæfusamir einstaklingar áreiti þá sem fari um svæðið, en það sé mjög áberandi"

Fífl! Ég hef ekki orðið vör við að rónarnir áreiti nokkurn svo heitið geti. Það er helst að þeir biðji um klink eða sígó, og hef ég stundum orðið við slíkum beiðnum, enda langflestar kurteislega orðaðar. Hinsvegar hef ég lent í öðruvísi áreiti við strætóstoppistöðina, en þar eru unglingspiltar oft á vappi að sníkja sígó eða "pening í strætó". Þeir eru oftast kurteisir, en nokkrir taka því illa ef maður neitar, hreyta í mann fúkyrðum eða ganga á eftir manni í lengri tíma. "Ég sé alveg að þú átt sígó. Akru viltekki gefa mér sígó? Fokking tussan þín, gemmér sígó!"

"Nýlega hafi hann ritað ÁTVR bréf þar sem hann hafi óskað eftir því að dregið yrði úr þessari þjónustu"

Heiladauði hárkollusjalli! Hverskonar starfshætti eru þetta? Að skrifa fyrirtæki (ríkisreknu, en fyrirtæki samt) bréf til að biðja það um að minnka þjónustu við viðskiptavini? Er ekki allt í lagi? Gleymum því aðeins að þjónustan sem um ræðir er að stórum hluta eingöngu til í brengluðum haus borgarstjórans, og einbeitum okkur að þessu. Opinber starfsmaður notar völd sín til að reyna að draga úr þjónustu fyrirtækis sem þjónustar fjölmennt íbúahverfi, auk þess að vera staðsett á vinsælum ferðamannastað.

Þetta er auðvitað algjörlega út í hött!

 

Á vefsíðu ÁTVR má finna eftirfarandi tilkynningu:

"ÁTVR hefur borist erindi frá borgarstjóra þar sem óskað eftir að hætt verði að selja bjór í stykkjatali í Vínbúðinni Austurstræti.

Erindi borgarstjóra er í hefðbundnum farvegi og verður svarað innan tíðar. ÁTVR hyggst svara bréfi borgarstjóra áður en niðurstaða málsins verður kynnt fjölmiðlum."

Ég skal svara því hér og nú:

Kæri herra Rugludallur.

Heldurðu virkilega að ástæða þessa ímyndaða "miðbæjarvanda" sé sala stakra bjórdósa? Hversu veruleikafirrtur ertu? Fyrst héldum við að kosningar væru í nánd, en svo er víst ekki, svo ástæða bréfs þíns er okkur ráðgáta.

Kannske leiðist þér bara. Við skiljum það vel, okkur leiðist líka stundum. Til dæmis leiddist okkur svakalega um daginn, þegar var lítið að gera í búðinni, svo við keyptum okkur litabók og vaxliti. Næst þegar þér leiðist, máttu fá hana lánaða. Fjólublái liturinn er brotinn, en þú getur blandað saman rauðum og bláum í staðinn. Svo er rosalega margt sem er hægt að gera í miðbænum. Ertu ekki ennþá með skrifstofur í stóra, stóra húsinu í Tjörninni? Þú getur farið út og gefið öndunum brauð, það er voða gaman, en þú verður að passa þig að fara ekki of nálægt bakkanum. Þegar þú ert búinn með brauðið, gætirðu prófað að labba um miðbæinn. Hann er rétt hjá skrifstofunni, svo þú þarft ekki að labba langt. Það er ekki jafn hættulegt og þeir segja í fréttunum. Passaðu þig bara á bílunum, Villi minn. Ef þú kemur til okkar í Austurstrætið, skulum við selja þér eins og einn eða tvo bjóra, og þú getur sest á Austurvöll, drukkið þá og talað við fólk. Þeir eru að vísu volgir, af því að við erum ekki með kæli, en það er ekkert verra.

Meðfylgjandi eru tvær bækur sem þú getur beðið Gísla Martein að lesa fyrir þig í kvöld; Bruggið og Bannárin og Nítjánhundruðáttatíuogfjögur.

Virðingarfyllst

Ríkið

 

Vill vínbúðina burt

Skál fyrir því.

http://www.visir.is/article/20070816/FRETTIR01/70816082/-1/FRETTIR

 

Forræðishyggjan sem tröllríður öllu þessa dagana nær auðvitað engri átt. Að leggja til bann við sölu stakra bjórdósa gefur í skyn að Björn og Villi haldi að fátækt sé rót ofbeldisins - nú eða að ofbeldisverkin eigi sér stað á opnunartíma ÁTVR í Austurstræti, og ástæðan sé þessi staki 150 króna bjór sem hinn sálarlausi ofbeldismaður svolgraði í sig einn miðvikudaginn. 

Hversu veruleikafirrtur þarftu að vera til að leggja svona vitleysu til? Hvað vilja þeir banna næst? 

Karlmenn eru yfirleitt árásargjarnari en konur, svo einfalt væri að kynjaskipta miðbænum; karlarnir fengju "forræðið" fyrripart virkra daga, og konur um kvöld og helgar.  Að sjálfsögðu fengi fólkið ekki að kaupa sér svona stórhættulega staka bjóra, heldur yrði að láta sér nægja saklausa brennivínspela og viskíbokkur.

Hiti virðist hafa áhrif á árásargirni, svo miðbænum þyrfti að loka algjörlega ef hitinn skyldi nú skríða yfir 20 stig.

Lágur blóðsykur getur haft áhrif, svo setja verður saman hóp vopnaðra hjúkrunar- og næringarfræðinga til að fylgjast með mataræði miðbæjargesta.

 

Ekki má gleyma eftirlitsmyndavélunum, sem eru skref í rétta átt, en hægt er að ganga enn lengra. Örflögur eru nú þegar notaðar til að skrá gæludýr, svo lítið mál væri að skylda alla landsmenn til örmerkingar. Því miður hafa GPS-örflögur ekki enn verið fullkomnaðar, en í framtíðinni væri hægt að koma einni slíkri fyrir um leið og einstaklingur hefði lokið kurteisisnámskeiði Herr Geirs.

 

 

 

 

Sammála um að bæta þurfi ástandið í miðborginni

Fordómar

...eru lúmskir. Núna rétt áðan barst mér bloggvinabeiðni, sem ég hafnaði eftir stutta skoðun á síðu viðkomandi einstaklings. Hvers vegna? Jú, málfarið. Strax í sjálfskynningu notar hann orðið "djúft" í stað "djúpt", og í textanum má meðal annars finna "verslings" í stað "vesalings" og "utan að landi" í stað "utan af landi", og "mundi" í stað "myndi".

 

Auðvitað verða mistök á bestu bæjum, og ég veit að ég ætti að einbeita mér að innihaldinu en ekki umbúðunum...en hvað ef einhver sér tengilinn á milli blogganna, og heldur að ég skrifi svona?

 

Djöfulli get ég verið ömurleg manneskja.

 

 

Stíllinn

Ágúststíllinn virðist vera þessi fíni, franski "aliéné et stupide". Hér eru tvö tölvupóstbréf sem ég fékk frá sama manni, í gegnum snilldina sem er www.couchsurfing.com.

 

HISTORY TO SAY HELLO

hello you the my air VERY sympathetic nerve with tai
some sentences a lyonese who the hello has soon?

-Ég svaraði sem svo:

What? I have no idea what you mean.

og fékk svar:

sun ray

expensive tina thank you to have answered mel have one
cane of evil whit english but l manage the nex week l
download my photograph as its you will bi able too see
my they will be more sympathetic l hope for one day too
come visit rekjavick well on if there is a seetee,l
find that you are beautiful icelandic wiht a beautiful
charm somebody who thinks has you? bye bye.

Ef einhver getur þýtt þetta yfir á frönsku og svo aftur yfir á ensku...hér eru babelfish þýðingarnar:

 1:

L'HISTOIRE POUR VOUS DIRE BONJOUR bonjour le mon nerf TRÈS sympathique d'air avec le tai certains condamne un lyonese qui bonjour a bientôt ?

 2:

le tina cher de rayon du soleil vous remercient d'avoir répondu à des mels ont une canne de l'anglais mauvais de petit morceau est-ce que mais l contrôler la semaine l téléchargement de nex ma photographie pendant que son vous Bi capable trop voir le mon ils serez un l plus sympathique espoir pour un jour venez aussi rekjavick de visite bien dessus s'il y a un seetee, l trouvaille que vous êtes beau wiht islandais par beau charme quelqu'un qui pense vous a ? au revoir

---------

Annars meina ég það þegar ég segi að CS sé snilld. Ég nýtti mér þetta í sumar og gisti hjá yndislegu fólki, og hef nú þegar fengið tvo gesti hingað. Fyrst kom Stephanie frá Melbourne og gisti í tvo daga, og ég sakna hennar pínu. Hún var sumsé áströlsk og vegan, svo hér átum við engar dýraafurðir (eða þar um bil) í tvo daga. Síðan kom Flaaaaaaaavio! sem er í raun frá Sviss, en nafnið hans er bara miklu skemmtilegra ef það er borið fram með sterkum ítölskum hreim. Í alvöru; prófið það bara. Og jeminnjesús hvað hann var sætur! Hann gisti hér eina nótt og færði okkur fínasta rauðvín (búið, tasty).

Þau voru bæði að prófa CS í fyrsta skipti, og ég held að ég hafi bara verið ágætis gestgjafi.

Ég hvet alla sem hafa sófa eða dýnur til að skrá sig, fylla vel út prófælinn sinn, og nota tækifæriðtil ð kynnast fólki frá öllum heimshornum. Ef ég þekki ykkur, get ég væntanlega veitt ykkur meðmæli. Notendanafnið mitt er zerogirl (Sör Præs). 

Ég gerði ekki neitt!

Að ásaka alla heimsbyggðina svona, og það í fyrirsögn á mbl.is -mest lesnu fréttasíðu alheimsins- er að sjálfsögðu óaafsakanlegt!

 

Annars held ég að ég fái mér annan skammt af éti.

Saka alla um að hafa framið stríðsglæpi í Sómalíu